somalidin öz aldigha musteqilliqini jakarlighan somaliland ölkiside pajielik weqeler yüz bermekte
somalilandning sol, sanag we ayn rayonliridiki yerlik ahaliler somalilandning öz aldigha musteqilliq jakarlishigha qarshi chiqmaqta.
türkiye awazi radiyosi xewiri: somalidin öz aldigha musteqilliqini jakarlighan somaliland ölkiside yéqinqi bir heptidin buyan yüz bériwatqan we 20 kishining qaza qilishigha seweb bolghan namayish we toqunushlardin kéyin, yüzlerche kishi öy - makanliridin ayrilishqa mejbur boldi.
dölet metbuatliridiki xewerlerge asaslanghanda, toqunush yüz bériwatqan solning merkizi las anodtin yüzlerche kishi köchüp ketken.
öy - makanliridin ayrilghan puqralar pakiz su we yémeklikke éhtiyajliq weziyette turmaqta.
somalilandning sol rayonida kilmiki namelum kishiler teripidin adem öltürüsh weqeliri yüz bergendin kéyin, rayon xelqi aldinqi hepte kochilargha chiqip hökümetke qarshi naraziliq bildürgen idi.
bixeterlik qisimliri puqralargha oq chiqarghan we nurghun kishi qaza qilghan idi.
somalilandning sol, sanag we ayn rayonliridiki yerlik ahaliler somalilandning öz aldigha musteqilliq jakarlishigha qarshi chiqmaqta.
somaliland ölkisi bashliqi musa bihi abdi yéqinqi bir heptidin buyan dawamlishwatqan öktichi namayishlardin kéyin, rayondin hergiz chékinmeydighanliqini élan qilghan idi.
