iranda 19 yashliq yene bir namayishchi ölüm jazasigha höküm qilindi

türkiye awazi radiyosi xewiri: iran edliye orginigha qarashliq mizan xewer agéntliqi 19 yashliq muhemmed burugagha bérilgen ölüm jazasini aliy sotning testiqlighanliqini élan qildi.

xewerde paytext téhrandiki namayishta qolgha élinghan buruganining «öltürüsh niyiti bilen saqchigha hujum qilish we zeximlendürüsh», «jemiyet tertipini buzush», «qorqunch we xepsizlik yéyish» «hökümet binasigha ot qoyush» qatarliq eyibleshler bilen 29 - öktebirde inqilabiy sot mehkimiside ölüm jazasigha höküm qilinghanliqi bildürüldi.

buruganining ölüm jazasining kéyin aliy sot teripidinmu testiqlanghanliqi we bu déloda yéngi bir qarar élinmighanliqi uqturuldi.

xelqara kechürüm teshkilati buruganigha bérilgen ölüm jazasining aliy sot teripidin testiqlanghanliqini eyiblidi.

téhranda 13 – sintebirde exlaq saqchisliri teripidin nazaretke élinghan  22 yashliq mahsa eminining 16 – sintebirde sajchixanida qaza qilishi, hökümetke qarshi keng kölemlik namayishlargha seweb bolghan idi.  

iranda 110 kün dawam qilghan mahsa emini namayishigha chétishliq hazirghiche kem dégende 11 kishi ölüm jazasigha höküm qilinip, ulardin 2 nepirining ölüm jazasi ijra qilindi.