nyuyorkta insan jesetlirini oghutqa aylandurushqa ruxset qilindi
amérikaning nyuyork ishtati insan jesetlirini oghutqa aylandurushqa ruxset qildi.
türkiye awazi radiyosi xewiri: 2019 - yili washingiton buninggha ruxset qilghan tunji amérika ishtati bolghan idi.
oghutqa aylandurush؛ jesetlerni bir kontéynirda yaghach öziki, topa we ot-chöpler bilen bir ay saqlash arqiliq ishqa ashurilidu. jesetlerni oghutqa aylanduridighan amil mikroblarning paaliyiti bolidu.
jesetler oghutqa aylanghandin kéyin, bulghinishning aldini élish üchün qizitilidu we uningdin kélip chiqqan tupraq ölükning yéqinlirigha bérilidu.
amérikidiki «Recompose» shirkiti bu mulazimetning depne qilish yaki köydürüshke qarighanda texminen 1 tonna az karbon chiqiridighanliqini bildürmekte.
oghutqa aylandurushni qollighuchilar nurghun sheherlerde qebristanliq qéyinchiliqi barliqini, shunga bu usulning qebristan qisliqi mesilisge hel qilish charisi bolidighanliqini ilgiri sürmekte.
yene bir tereptin, «bu exlaqiy mesile peyda qilidu» dep qaraydighanlarmu mewjut.
nyu-yorktiki katolik épiskopliri buninggha qarshi chiqip, insan jesetlirining «aile exletliri» ornida körülishining toghra emeslikini otturigha qoymaqta.
bu jeryanning texminen 7 ming dollarliq chiqimini yuqiri dep qaraydighanlarmu bar.
«Recompose» shirkiti bolsa, 2021 – yilida otturiche depne qilish chiqimining 7848 dollar, jeset köydürüsh chiqimining 6971 dollar bolghanliqini nezerde tutqanda, ughutqa aylandurushning yuqiri chiqimliq ish emeslikini bildürmekte.
bu ishqa amérikidin bashqa ruxset qilghan birdinbir dölet shiwitsiyedur.
