firansuz zhurnalistning musulmanlar toghrisidiki sözi naraziliq peyda qildi
firansiyelik zhurnalist zhan klawd dassiérning musulmanlar heqqidiki sözi sol qanat siyasiyonlar we firansiye ijtimaiy alaqe tori abunitlirining naraziliqini qozghidi.
türkiye awazi radiyosi xewiri: firansiyelik zhurnalist zhan klawd dassiérning tünügün firansiyening CNEWS xewerler qanilining küntertiptiki mesililer bes – munazire qilinidighan «yaxshi komanda» namliq söhbet pirogrammisidiki «musulmanlar jumhuriyetke köngül bölmeydu, ular bu sözning menisinimu bilmeydu» dégen sözliri sol qanat siyasiyonlar we twittérdiki firansuz abontlirining naraziliqini qozghidi.
«boysunmas hökümran firansiye» namliq ashqun solchilar partiyesi parlamént ezasi aymérik karon twittérdiki adrésida «uzundin buyan xewer qanili bolalmighan CNEWS yene bir qétim irqchiliq qildi» dep uchur hembehrilep, bu qanalning «ishenchiszlik, köchmenlik we islam»din bashqa mesililer heqqide toxtalmaydighanliqigha isharet qildi.
«boysunmas hökümran firansiye» partiyesi parlamént ezasi tomas portés, dassiérning irqchiliqini ashkara otturigha qoyghanliqini eskertti.
firansiyelik bir twittér abonti dassiérning bu sözlirining «könglini élishturghanliqi»ni, yene biri firansiyede bir kishi yaki guruppigha diniy étiqadi sewebidin töhmet chaplighuchigha 1 yilliq qamaq jazasi we 45 ming yawro jerimane qoyulidighanliqini eslitip ötti.
yene bir ijtimaiy alaqe supisi abonti, «jumhuriyet» sözini emeliyette mushundaq «bölgünchi» ibarilerni ishletken dassiérning chüshenmeydighanliqini ilgiri sürdi.
