nigériyede boko haramning hujumida nurghun adem öldi
nigériyening sherqiy shimalida térrorluq teshkilati boko haramning bir yézigha hujum qilishi netijiside 17 kishi jénidin ayrildi.
1924124
türkiye awazi radiyosi xewiri: nigériye taratqulirining xewer qilishiche, térrorluq teshkilati boko haram ezaliri borno ölkisining ayramné yézisigha hujum qilghan.
hujumda padichiliq qiliwatqan 17 kishi öltürülgen, hujumdin kéyin térrorchilar padichilargha ait barliq charwilarni oghrilap ketken.
igilinishiche, bu dölette 2000 – yillarning bashliridin buyan térrorluq bilen shughulliniwatqan boko haramning 2009 – yindin buyanqi térrorluq hujumlirida, 20 mingdin artuq kishi jénidin ayrilghan.
térrorluq teshkilati boko haram 2005 – yildin buyan nigériyening qoshniliri kamérun, chad we nigérghimu hujum qilghan.
bu térrorluq teshkilatining «chad köli oymanliqi» da élip barghan hujumlirida kem dégende 2 ming kishi jénidin ayrilghan.
