népalda bir mawchi bash ministir boldi
népalda 20 – noyabirda ötküzülgen parlamént saylimidin kéyin, mawchilar merkiziy kommunistik partiyesi (CPN-MC) ning rehbiri pushpa kamal daxal bash ministirliqqa teyinlendi.
türkiye awazi radiyosi xewiri: népalning aldinqi qatardiki siyasiyonliri we diplomatliri daxalning paytext katmandodiki pirézidéntliq mehkimiside ötküzülgen qesem bérish murasimigha qatnashti.
daxal hökümet kabinétida orun alidighan üch muawin bash ministir we töt ministirni wezipige teyinlidi.
aldimizdiki bir nechche kün ichide, kabinétqa teyinlinidighan yéngi ministirlarning békitilishi mölcherlenmekte.
leqimi «prachanda» depmu atilidighan daxal ilgiri 2009-2008 we 2017-2016-yilliri arisida ikki qétim bash ministirliq wezipisini ötigen bolup, tünügün (25-dékabir) pirézidént bandari teripidin qaytidin bash ministirliqqa teyinlendi.
mawchilarning rehbiri daxal 275 kishilik awam palatasida népal birleshme markisizm, léninizm kompartiyesidin sekkiz, öz partiyeisi bolghan mawchilar merkiziy kommunistik partiyesi CPN-MC din 32, rastriya swatantra partiyesidin 20, rastriya parajatantira patiyesidin 14, janta samajbadi partiyesidin 12, janamat partiyesidin alte, nagarak umnikti partiyesidin töt we musteqil wekillerdin üch neper parlamént ezasi bolup, jemiy 169 ezaning qollishigha ériship, köp sanliqni qolgha keltürgen idi.
