yaponiyede qar apitide 8 adem qaza qildi
yaponiyening oxshimighan jaylirida yüz bergen qar apitide 8 adem qaza qildi, 45 adem yarilandi.
türkiye awazi radiyosi xewiri: yaponiye dölet téléwiziye istansisi « NHK» ning xewirige qarighanda, hepte axiridin bashlap shimal we gherbtiki ölkilerde qar apiti kündilik hayatni palech halgha chüshüp qoymaqta iken.
jiddiy ehwallargha taqabil turush qomandanliq merkizining bildürüshiche, dölet miqyasida yüz bergen qar apitide 8 adem qaza qilghan, 45 adem yarilanghan, tok üzülüp qalghan, téz süretlik poyiz mulazimitide aqsash körülgen.
métérologiye dairilirining bildürüshiche, shimané, xiroshima, kochi we xokkaydo rayonliridiki qarning qélinliqi pesil xaraktérlik ölchemdin yuqiri bolup, qarning dawamlishidighanliqi kütülmekte iken.
qar apiti sewebidin, yuqiri süretlik tashyollarda 30 kilométir etrapida qatnash tosulup qalghan.
qattiq qar yaghqan yapon déngizi (sherqiy déngiz) sahilidiki ölkilerde, asasliq yémekliklerni aldin sétiwélish we mejbur bolup qalmighuche sirtqa chiqmasliq chaqiriq qilinghan.
