israiliyede hökümet quruldi
israiliyede 1 – noyabir küni ötküzülgen saylamdin kéyin hökümet qurush wezipisi tapshurulghan likud partiyesi rehbiri bényamin nétanyahu, pirézidént ishaq hérzogqa ichki kabént teshkil qilghanliqi toghruluq melumat berdi.
![israiliyede hökümet quruldi](http://cdn.trt.net.tr/images/xlarge/rectangle/25dc/6430/e769/63a4058bbb955.jpg?time=1719009555)
türkiye awazi radiyosi xewiri: bényamin nétanyahu 12-ayning 21-küni yérim kéchide hökümet teshkillesh waqti toshushtin bir nechche minut ilgiri hérzogqa téléfon qilip, hökümet qurghanliqini éytti.
melumatlargha qarighanda, bényamin nétanyahuning ichki kabént ezaliri tizimlikini derhal élan qilishi shert emes iken.
israiliye taratqulirining xewer qilishiche, yéngi ichki kabént üchün parlaméntqa bolghan ishench yighinining 2 – yanwar küni (2023) ötküzülüshi kütülmekte iken.
yéqinqi yillardin buyan muddettin burun saylam ötküzüsh we birleshme hökümet khrizisigha pétip qalghan israiliyede, sabiq bash ministir we öktichi rehber nétanyahu bashchiliqidiki ong qanat guruppidiki partiyeler 120 kishilik parlaméntta 64 wekilge érishkenidi.
pirézidént hérzog 13 – noyabir küni (2022) nétanyahugha hökümet qurush wezipisi tapshurghanidi.
igilinishiche, yéngi hökümet israiliyening siyasiy tarixidiki «eng ong qanat» hökümet bolup qalidiken.