washington türkiye - gérmaniye - girétsiye üch terep söhbitidin memnun bolghanliqini bildürdi
amérika qoshma ishtatliri, gérmaniye, türkiye we girétsiye üch terep wekillirining bélgiyening paytexti biryussélda ötküzgen uchrishishini qarshi alidighanliqini bildürdi.
türkiye awazi radiyosi xewiri: amérika tashqi ishlar ministirliqi bayanatchisi néd prays kündilik axbarat élan qilish yighinida söz qilip: «biz shériklirimiz, bolupmu shimaliy atlantik ehdi teshkilati — natodiki shériklirimiz otturisidiki ittipaqliq we inaqliqqa eng mohtaj bir peytte turuwatimiz. biz sürkilishni ulghaytiwétidighan qutritish xaraktérlik bayanatlardin her daim epsuslinip kelduq. ittpaqning ikki ezasi otturisidiki jiddiychilikning héchkimge paydisi yoq. bu arqa körünüshte, biz jumhur reis erdoghanning bayanatchisi we bash meslihetchisi ibrahim qalin bilen girétsiye bash ministirining diplomatiye ishliri ishxanisi mudiri anna mariya boraning biryusséldiki uchrishishini qizghin qarshi alimiz» dédi.
türkiye jumhuriyiti jumhur reislik mehkimisi bayanatchisi, bash elchi ibrahim qalin, gérmaniye bash ministirliq mehkimisining tashqi ishlar we bixeterlik siyasiti meslihetchisi jéns pltnér we girétsiye bash ministirining diplomatiye ishliri ishxanisi diréktori anna-mariya bora 16-dékabir biryussélda üch terep yighini échip, türkiye bilen girétsiye otturisidiki alaqe yollirini janlandurush mesilisini muzakire qilghanidi.
