liwiye misirning déngiz chégraliri qararini ret qildi
liwiye misirning ikki döletning déngiz chégralirini békitish qararini pütünley ret qildi.
ürkiye awazi radiyosi xewiri: liwiye tashqi ishlar ministirliqi teripidin élan qilinghan bayanatta, misirning 11 – dékabir küni gherbiy déngiz chégralirini békitish qarari arqiliq, liwiyening déngiz teweliki we matérik supisini depsende qilghanliqi tekitlinip mundaq déyildi: «misir békitken chégralar xelqara qanungha asasen adaletsizdur. chünki bu chégralargha munasiwetlik qarar bir tereplime élan qilinghan.»
«birleshken döletler teshkilati ehdinamisi we xelqara qanunning belgilimilirige asasen, ikki qoshna döletning déngiz chégraliri, ikki terepning menpeetige kapaletlik qilish we barawerlik pirinsipigha hörmet qilish asasida békitilishi shert.»
«liwiye xelqara qanun dairiside misirning yuqirida tilgha élinghan qararini pütünley ret qilidu, misir hökümitini liwiye milliy birlik hökümiti bilen déngiz chégralirini békitish toghrisida söhbet ötküzüshke chaqiridu.»
