iranda hawa bulghinishi sewebidin oqughuchilar dem élishqa qoyup bérildi

türkiye awazi radiyosi xewiri: iran irna agéntliqining xewiride bildürülishiche, élborz waliy mehkimisining puqralar ishliri kordinatsiye bashliqi wekili ehmet efzeli muhit bulghinishining éghirlishishi sewebidin uniwérstétlarni öz ichige alghan ishtattiki dölet we shexsiy oqu-oqutush organlirining bügün 12-13-dékabir künliri dem élishqa qoyup bérilgenlikini uqturghan.

u 10-11-dékabir künliri bashlanghuch, toluqsiz ottura we toluq ottura mekteplirining dem élishqa qoyup bérilgenlikini xatirilitip, hawa süpitide yaxshilinish bolmighanliqi üchün barliq maarip organlirining yene ikki kün dem élishqa qoyup bérilgenlikini bildürdi.

u ishtatta hawa bulghinishini éghirlashturuwétidighan barliq paaliyetlerning aldini élish üchün zörür teyyarliqlarning qilinghanliqini eskertip, munasiwetlik idare-organlar bilen zich alaqide ikenliklirini, her xil qurulush, hawa bulghinishigha seweb bolush éhtimali bolghan sanaet séxliri we fabrikalarda ishlepchiqirish paaliyetlirining waqitliq toxtitilghanliqini qeyt qildi.

u téxnikiliq tekshürüshi qilinmighan xususiy yaki hökümet qatnash wastilirining qatnishining cheklengenlikini bildürüp, puqralarning ammiwi qatnash wastiliridin paydilinishini telep qildi.

u mundaq dédi:

«paytext téhranda kütülgen shamalning chiqishi sewebidin hawa bulghinish sewiyesi éghir boldi. bu sewebdin sehiye ministirliqining qarari bilen ikki kün dem élishqa qoyup bérilgen mekteplerning dem élish waqti bügün we eta bolup ikki kün uzartildi» dédi.

u yene, mejbur bolmighan ehwalda kishilerni sirtqa chiqmasliq, ochuq hawada tenterbiye paalqiyetliri shughullanmasliq toghrisida agahlandurdi.