kabulda xitaylar chüshken méhmansaray hujumgha uchridi

türkiye awazi radiyosi xewiri: taliban waqitliq hökümitining bayanatchisi zabihullah mujahid twittérda uchur hembehirlep, kabulning shehri new rayonigha jaylashqan bir méhmansaraygha qilinghan hujumning, üch hujumchining étip öltürülüshi bilen axirlashqanliqini bildürdi.

u uchurida, méhmansaraydiki chet elliklerning qutquzulghanliqini eskertip, ikki chet ellikning méhmansarayning dérizisidin sekrep yarilanghanliqini qeyt qildi.

weqeni öz közi körgüchiler, hujumchilarning méhmansarayning ichige kirip, qalaymiqan oq chiqarghanliqini bildürgen idi.

partlash we qoral awazi anglanghan rayongha, nurghun taliban qoralliq küchliri ewetilgen idi.

bu qétimqi hujumgha héchqandaq teshkilat yaki shexs jawabkar bolidighanliqini élan qilmidi.