rusiye ukrainaning bashqa jaylirini igiliwélish pilani yoqluqini bildürdi

türkiye awazi radiyosi xewiri: péskow rusiyening ukrainadiki yéngi rayonlarni özige qoshuwélish pilanining bar - yoqluqi toghrisidiki bir soalgha: «küntertipte bundaq ish yoq. héch bolmighanda, bu yönilishte héchqandaq bayanat bérilmidi, emma yenila mewjut rayonlarni azad qilish üchün qilishqa tégishlik nurghun ishlar bar. rusiyege yéngidin qoshulghan bezi rayonlarning ishghal astidiki jaylirini azad qilish kérek» dep jawab berdi.

péskow, kiyéw hökümiti xalighan teqdirde, toqunushlarni etila toxtitishning mumkinlikini we ukraina pirézidénti wiladimir zélénskiyning buni bilidighanliqini tekitlidi.

péskow, qoshuwélinghan qirim weziyiti toghrisidimu toxtilip: «xeter dawamlashmaqta. chünki ukraina terep térrorluq hujumi teshkillesh siyasitini dawamlashturuwatidu. emma kéliwatqan uchurlar ünümlük taqabil turush tedbirliriningmu yolgha qoyulghanliqini körsitip bermekte» dédi.

u, moskwaning rusiye néfitige eng yuqiri baha chéki qoyush siyasitige jawab qayturidighanliqigha isharet qilip: «bizning teyyarliqlirimiz tamamlinish aldida turuwatidu» dégenlerni qeyt qildi.