israiliye qisimliri nablus shehirige qarashliq kona sheher rayonini qorshawgha aldi

türkiye awazi radiyosi xewiri: yerlik menbelerning xewer qilishiche, israiliye qisimliri nablusqa bésip kirip, sheherdiki kona sheher rayonini qorshaw astigha alghan we kirish-chiqish éghizlirini taqighan.

xewerde rayonda turushluq pelestinlikler bilen israiliye eskerliri otturisida toqunush yüz bergenliki we uq awazliri anglanghanliqi bildürüldi.

özlirige «pelestindiki shir öngküri» dep nam qoyiwalghan bir gurruppa tünügün kona sheher rayonida israiliyening her qandaq hujumigha qarshi teyyar weziyette ikenliklirini élan qilghan idi.

israiliye yéqindin buyan ishghaliyet astidiki gherbiy qirghaqning oxshimighan jaylirida hujum we tutqun qilish heriketlirini köpeytmekte.

israiliye eskerliri bésip kirish heriketliride naraziliq bildürgen pelestinlerge kawchuk oqlardin sirt, heqiqiy oqlarnimu ishletmekte. bu sewebtin gherbiy qirghaqning her qaysi jaylirida pelestinlik guruppilar bilen israiliye eskerliri otturisida toqunush yüz bermekte.