tigray xelq azadliq fironti jengchilirining %65 ining aldinqi septin chékingenlikini uqturdi
éfiyopiye merkizi hökümitige qarshi qozghilang kötürgen tigray xelq azadliq fironti eskerlirining %65 ining ikki terep otturisida hasil qilinghan kélishimge asasen aldinqi septin chékingenliki bildürüldi.
türkiye awazi radiyosi xewiri: tigray xelq azadliq fironti rehberliridin tadésé wéréda özining ijtimaiy alaqe toridiki adrésida bayanat bérip, özlirige qarashliq eskerlerning 65% ning aldinqi septin chékingenlikini uqturdi.
tigray xelq azadliq fironti ezalirining bir qismining hélihem wezipisini orundap ammigha yardem bériwatqanliqini tilgha alghan wéréda: «eskerlirimiz piyade yaki mashinilar bilen aldinqi septin lagérlargha chékinmekte» dégenlerni qeyt qildi.
tigray xelq azadliq fironti 11-ayning 3-künidin bashlap, qoral tashlap chékinishke bashlighanidi.
eddis ebébe hökümiti bilen qozghilangchi tigray xelq azadliq fironti wekilliri jenubiy afriqada söhbet ötküzüp, toqunushlarni toxtitish toghrisida kélishiim imzalighanidi.
éfiyopiyede armiye bilen tigray xelq azadliq fironti qoralliqliri otturisida 2020-yili noyabirda bashlanghan toqunush minglighan kishining ölüshini we yüzminglighan kishining öy-makanliridin ayrilishini keltürüp chiqarghanidi.
