nigériyege 5 mingdin artuq kishi qaytip keldi

türkiye awazi radiyosi xewiri: nigériye ziyankeshlikke uchrighuchilargha yardem qilish fondining (VSF) bashliqi lawal alaw bayanat élan qilip, nigériye armiyesining borno ishtatigha qarashliq martté rayonida qaytidin bixeterlikni tesis qilghanliqini bildürdi.

u mezkur rayonda alte yil ilgiri boko haram térrorluq teshkilatining hujumliridin qéchip qoshna döletlerdin kaméron we nigérde panahlanghan 5 ming 704 kishining yurt-makanlirigha qaytip kelgenlikini eskertip, qaytqanlarning hökümet saldurghan binalargha orunlashturulghanliqini qeyt qildi.

nigériyede 2000-yillarning béshidin tartip boy körsitishke bashlighan boko haram térrorluq teshkilatining 2009-yilidin béri qiliwatqan her xil térrorluq hujumlirida 20 mingdin artuq kishi jénidin ayrildi.

boko haram térrorluq teshkilati 2015-yildin buyan qoshna döletler bolghan kaméron, chad we nigérde térrorluq hujumlirini peyda qilip keldi. chad köli oymanliqidiki hujumlarda eng az dégende 2 ming kishi jénidin ayrildi.

nigériyede térrorluq hujumliri we her xil toqunushlar sewebidin yüz minglarche kishi yurt-makanliridin ayrilishqa mejbur boldi.