norwégiye: türkiyening térrorizmgha qarshi küresh qilish hoquqi bar
norwégiye bash ministiri jonas gahr storé türkiyening térrorizmgha qarshi küresh qilish hoquqi barliqini éytti.
türkiye awazi radiyosi xewiri: storé, gérmaniye bash ministiri olaf sholz bilen paytext bérlinda ötküzülgen qoshma axbarat élan qilish yighinida, bir muxbirning, türkiyening chégra halqighan herbiy heriketliri heqqide sorighan soaligha qarita, türkiyeningmu bixeterlik tehditlirige taqabil turushigha hörmet qilidighanliqlirini, emma barliq tereplerning sürkilishke yol achidighan herbiy heriketlerdin saqlinishini ümid qilidighanliqlirini tekitlep mundaq dédi: «bir tehdit otturigha chiqqan chaghda, türkiyening térrorizmgha qarshi küresh qilish hoquqi bardur.»
norwégiyening shiwétsiye bilen finlandiyening shimaliy atlantik ehdi teshkilatigha eza bolushini qollaydighanliqini tekitligen storé, bu ikki döletning eza bolushi bilen yawropaning kolléktip bixeterlikke érishidighanliqini qeyt qildi .
u yene, shimaliy atlantik ehdi teshkilatining barliq ezalirining shiwétsiye bilen finlandiyening ezaliq iltimasining testiqlinishini kütüwatqanliqinimu sözlirige ilawe qildi.
