daéshning yéngi rehbiri ebu hesen el hashimi el qureyshi öltürüldi
amérika armiyesi merkizi qomandanliq ishtabi öktebirde (2022) ebu ibrahim el hashimi el qureyshini ujuqturghandin kéyin, daésh térrorluq teshkilatining rehbiri bolup teyinlengen ebu hesen el hashimi el qureyshiningmu öltürülgenlikini élan qildi.
türkiye awazi radiyosi xewiri:amérika armiyesi merkizi qomandanliq ishtabi axbarat bayanatchisi polkownik jo bukkino yazma bayanatida, öktebirning otturilirida ebu hesen el hashimi el qureyshining ujuqturulushi daéshqa yene bir éghir zerbe boldi. bu heriket erkin süriye armiyesi teripidin süriyening dara wilayitide ishqa ashuruldi» déyildi.
jo bukkino daéshning rayongha tehdit bolushni dawamlshturuwatqanliqini we amérikaning diqqitini bu teshkilatning menggülük meghlubiyitige merkezleshkenlikini éytti.
daéshqa qarshi küreshtiki bashqa ittipaqdashlarning, bu hujumda qandaq roli bolghanliqi namelum.
amérika armiyeisi iraq, süriye we iyordaniye chégrasi tutishidighan el-tanif rayonida mughawwir et-tawra namliq öktichi guruppa bilen hemkarlashmaqta.
bu guruppa yéqinda ismini «erkin süriye armiyesi» dep özgertken idi.
daéshning tunji rehbiri ebu bekir el baghdadining ornigha teyinlengen ebu ibrahim el hashimi el qureyshi féwralda (2022) süriyening gherbiy shimalida amérika alahide qisimliri élip barghan herikette öltürülgen idi.
