kirbi türkiyening térrorluq tehditidin özini qoghdash hoquqi barliqini qayta tekitlidi

türkiye awazi radiyosi xewiri: amérika aqsaray dölet bixeterlik kéngishining istratégiyelik alaqe diréktori jon kirbi kündilik axbarat élan qilish yighinida, türkiyening süriyening shimalidiki bölgünchi térrorluq teshkilati p k k/y p g gha qarshi élip barghan heriketliri üstide toxtaldi.

türkiyening térrorluq hujumining qurbani bolup kéliwatqanliqini tekitligen jon kirbi: «türkiyening özini we puqralirini térrorluqqa qarshi qoghdash hoquqi bar» dédi.

u 22 – noyabirda (2022) élan qilghan bayanatidimu, türkiyening jenubiy chégrasida «qanunluq térrorluq tehditi» ge duch kéliwatqanliqini we özini her türlük qoghdash hoquqigha ige ikenlikini éytqan idi.