sérbiye bilen kosowu aptomobil taxta nomuri kirizisini hel qilish toghrisida kélishti
sérbiye bilen kosowu aptomobil nomur taxtisi seweblik bash kötürgen kirizisni peskoygha chüshürüp, munasiwetlerni normallashturush toghrisida kélishim hasil qildi.
türkiye awazi radiyosi xewiri: yawropa ittipaqining tashqi munasiwet we bixeterlik siyasiti boyiche aliy wekili josép borrél ijtimaiy taratqudiki adrésida bayanat bérip, sérbiye we kosowu bash söhbet wekillirining yawropa ittipaqining qollap – quwwetlishi astida söhbet ötküzüp, diqqetni «jiddiychilikning téximu keskinliship kétishining aldini élish we munasiwetni normallashturush teklipini merkezleshtürüsh» toghrisida kélishkenlikini uqturdi.
josép borrélning bildürüshiche, sérbiye kosowu sheherlirige simwolluq qilidighan nomur taxtilirini tarqitishni, kosowumu aptomobilllargha qaytidin ijazetname bérishni toxtitidiken.
sérbiyening kosowudiki sérblargha nomur taxtisi bésip tarqitip bérishidin kéyin, kosowu hökümiti peyshenbe (17-noyabir) künidin bashlap sérbiye tarqatqan nomur taxtisini qadighan shopurlargha jerimane qoyushni qarar qilghanidi.
kosowuda bu xil nomur taxtisi ishlitidighanlar sani 10 ming etrapida dep mölcherlenmekte.
sérbiye 2008-yili «öz aldigha» musteqilliqini jakarlighan kosowuni özining zémini dep qaraydu.
