pakistan – afghanistan otturisida waqitliq taqalghan chégra éghizi qayta échiwitildi
pakistan metbuatliridiki xewerlerge asaslanghanda, afghanistan terepning hujumidin kéyin ikki dölet eskerliri otturisida élip bériliwatqan söhbette ilgirileshler qolgha kelgen.
türkiye awazi radiyosi xewiri: xewerlerde bildürülishiche, afghanistanning hujum qilghuchini pakistangha tapshurup béridighanliqi toghrisida kapalet bergen.
pakistan we afghanistan bixeterlik qisimliri chégrada qol éliship körüshti. aridin 8 kün ötkendin kéyin chégra éghizi piyadilerge we soda munasiwiti bilen kirip-chiqishqa échiwétildi.
pakistan dairiliri 13 - noyabirda afghanistan teripidin étilghan oqta bir pakistan eskirining qaza qilishigha we yene bir pakistan eskirining yarilinishigha seweb bolghan hujumdin kéyin, chégra éghizini waqitliq taqighanliqini élan qilghan idi.
mesullar, hujum qilghuchi pakistan dairilirige tapshurup bérilgenge qeder chégra éghizining échilmaydighanliqini bildürgen idi.
ikki döletning chégra qisimliri otturisida chemende pat-pat toqunush yüz bérip kelmekte.
pakistan-afghanistan chégrasi 2670 kilométir uzunluqqa ige bolup, ikki dölet otturisida jemiy 18 chégra éghizi bar.
chemen we torxam chégra éghizliri eng köp adem ötüsh nuqtisidin aldinqi qatarda turidu.
