jo baydin jenubiy xitay déngizidiki mesilerni hel qilish charisi üstide toxtaldi
amérika pirézidénti jo baydin sherqiy jenubiy asiya elliri ittipaqining amérikaning asiya siyasitining merkizide ikenlikini tekitlep, sherqiy jenubiy asiya elliri ittipaqi bilen téximu qoyuq hemkarliqni tereqqiy qildurushqa wede berdi.
türkiye awazi radiyosi xewiri: jenubiy xitay seher pochtisi géziti (SCMP) ning xewirige asaslanghanda, pirézidént baydin kambodzhaning paytexti fnom pénda ötküzülgen sherqiy jenubiy asiya elliri ittipaqi bashliqlar yighinigha qatnashqan.
baydin yighinda sözligen nutuqida sherqiy jenubiy asiya elliri ittipaqining washingtonning asiya siyasitining merkizide ikenlikini tekitlep, birma herbiy hakimiyiti we jenubiy déngizdiki talash-tartish qatarliq asasliq rayonluq mesililerde téximu qoyuq hemkarliq ornitishqa wede berdi.
baydin sherqiy jenubiy asiya elliri ittipaqi bashliqlar yighinigha qatnishishining, amérikaning ittipaqqa eza döletler bilen bolghan munasiwetke ehmiyet bergenlikining ispati ikenlikini eskertip: «sherqiy jenubiy asiya elliri ittipaqi hindi-ténch okyan istratégiyesining qelbidur we kücheytilgen ittipaqdash sherqiy jenubiy asiya elliri ittipaqi bilen qedemmuqedem birlikte xizmet qilish wedimizni dawamliq kücheytimiz» dédi.
baydin muhit we kilimat qatarliq sahelerde köp tereplik hemkarliqni kéngeytidighan amérika-sherqiy jenubiy asiya elliri ittipaqining uniwérsal istratégiyelik shériklik munasiwitining yolgha qoyulghanliqini élan qilip, bu hemkarliqning «qanunning üstünlükige qaritilghan tehditlerge qarshi» mudapielinishni, «erkin we ochuq – yoruq, muqim we güllengen, küchlük we ishenchlik hindi-tinch okyan rayoni berpa qilish» ni meqset qilidighanliqini éytti.
baydin jenubiy déngizdin birmaghiche bolghan mesililerni hel qilish we ortaq xirislargha qarshi yéngi hel qilish charisi tépish, rayonning tinchliqi we güllinishini chongqurlashturush üchün sherqiy jenubiy asiya elliri ittipaqi we eza döletliri bilen birlikte xizmet qilishning dawamlishishini töt közi bilen kütüwatqanliqlireni bildürdi.
«Evening Standard» gézitining xewirige asaslanghanda, bu jeryanda, baydin sözide sahibxan dölet kambodzhagha rehmet éytish üchün xata halda dölet namini «kolumbiye» dep atighan.
baydin sözide mundaq dégen:
«emdilikte biz kambodzhada qayta jem bolghan ikenmiz, nöwette qolgha keltürgendinmu küchlük ilgirileshlerni töt köz bilen kütmektimen. men kolumbiyening sherqiy jenubiy asiya elliri ittipaqi rehberliki we hemmimizni kütüwalghanliqi üchün reiske rehmet éytimen. buningdin bashqa yene, hindonéziyening bu yilliq barliq xizmetliride orun alidighanliqimizni testiqlashni xalaymen.»
