zéléniski: ashliq ékisport qilishni köpeytishke tirishiwatimiz
ukraina pirézidénti wolodimir zéléniski qaradéngiz ashliq karidori kélishimi dairiside ashliq ékisport qilishni köpeytishke tirishiwatqanliqlirini éytti.
türkiye awazi radiyosi xewiri: zéléniski, yérim kéchide, ammiwi ortaqlishish tor béti Telegram sehipiside élan qilghan sinliq bayanatida, dunya miqyasida ashliq kirizisini bashtin kechürüwatqan döletlerge yardem qolini sunushni dawamlashturidighanliqlirini tekitlep mundaq dédi: «buningdin bashqa yene, ashliq ékisporti teshebbusini dawamlashturush we dairisini kéngeytish üchün xizmet ishlewatimiz. uzaq mezgillik ashliq ékisportigha kapaletlik qilish xizmitinimu ishleymiz. tereqqiy tapqan we eng wijdanliq döletler bilen birlikte, bolupmu ashliq kirizisini bashtin kechürüwatqan döletler we xelqlerge bériliwatqan yardemlerni köpeytimiz.»
yötkiliwatqan ashliq miqdarini köpeytish paaliyetlirining dawamlishiwatqanliqini éytqan zéléniski, mundaq dep körsetti: «ashliq bixeterlikige kapaletlik qilish üchün, shériklirimiz bilen birlikte hemkarliiq asasida xizmet ishleshke bashlaymiz.»
