G7 dölet guruhi ukrainagha qishliq yardem qilidu

türkiye awazi radiyosi xewiri: gérmaniye tashqi ishlar ministiri annaléna bayérbok (Annalena Baerbock) G7 dölet guruhi tashqi ishlar ministirlirining gérmaniyening münstér shehiride ötküzülidighan yighinidin ilgiri bayanat élan qilip: «G7 dölet guruhidiki shériklirimiz bilen ukrainagha qish pesillik yardem qilimiz» dédi.

u bashqa nurghun döletlerningmu bu yardemni qollaydighanliqini bildürüp: «bu qishliq yardem xelqaraliq qanunni depsende qilishni qobul qilmaydighanliqimizni bildüridu. rusiye pirézidénti wladimir putinning ukrainani parchilash istratégiyesini hergizmu qobul qilmaymiz. xelqaraliq bir pütünlükni buzushqa urunushni qobul qilmaymiz» dédi.

u putinni ukrainaning énérgiye ul-eslihelerge hujum qilip, téximu insaniyliqqa yat halgha chüshti dep eyiblep, G7 dölet guruhi döletlirining yashanghanlar, ayallar we balilarning soghuqtin yaki acharchiliq sewebidin ölüshige ruxset qilmaydighanliqini tekitlidi.