shimaliy koréye 10 bashqurulidighan bomba qoyup bergen

türkiye awazi radiyosi xewiri: jenubiy koréye armiye qomandanliq ishtabi shimaliy koréyening eng az dégende 10 bashqurulidighan bombini sinaq qilip qoyup bergenliki toghrisida bayanat élan qildi.

bayanatta, wonsan qatarliq rayonlardin qoyup bérilgen eng az dégende 10 bashqurulidighan bombining, shimaliy koréyening sherqiy we gherbiy sahillirigha chüshkenliki qeyt qilindi.

bir bashqurulidighan bombining, ikki dölet arisidiki déngiz chégrasining jenubigha chüshkenliki eskertilgen bayanatta, sinaqlarning «chidighusiz derijide» ikenliki bildürüldi.

bayanatta: «koréye yérim arili bölüngendin kéyin tunji qétim bir shimaliy koréye bashqurulidighan bombisi, jenubiy koréyening déngiz tewelikige chüshti» déyildi.

jenubiy koréye pirézidénti yun sukyéol dölet xewpsizlik mesulliri bilen körüshüp, «ighwagerchilik qilishning bedili» üchün shimaliy koréyege qarshi jesurluq bilen keskin tedbirlerni élishni telep qildi.

yaponye dölet mudapie weziri hamada yasukazu yapon déngizi terepke étilghan bashqurulidighan bombilarning yaponiye iqtisadiy rayonining sirtigha chüshkenlikini bildürdi.

u yaponiye hökümitining xitaydiki elchixanisi arqiliq piyongyang hökümitige ultimatom tapshurghanliqini eskertti.

shimaliy koréyening bashqurulidighan bomba sinaqlirining, bir hepte dawamlishidighan we «F35» ayropilanlirini öz ichige alghan 240 ayropilan qatnashturulghan amérika bilen jenubiy koréyening birleshme hawa armiye manéwirigha toghra kélishi alahide diqqet qozghidi.