blinkén wang yi bilen téléfonlashti
amérika qoshma ishtatliri tashqi ishlar ministiri antoni blinkén xitay tashqi ishlar ministiri wang yi bilen téléfonda körüshti.
türkiye awazi radiyosi xewiri: amérika qoshma ishtatliri tashqi ishlar ministirliqi teripidin bu heqte élan qilinghan yazma bayanatta, ikki ministirning téléfon söhbitide, amérika – xitay munasiwetliri heqqide muzakire élip bérilghanliqi tekitlinip mundaq déyildi: «ikki ministirning téléfon söhbitide, ikki dölet otturisidiki uchur - alaqe liniyelirini dawamliq ochuq tutush we amérika qoshma ishtatliri – xitay munasiwetlirini mesuliyetchanliq bilen bashqurush éhtiyaji heqqide söhbet élip bérildi. ministir blinkén, rusiyening ukrainagha qarshi (24 – féwral küni qozghighan) urushi we buning yer shariwi bixeterlik we iqtisadiy muqimliqqa qarita tehditlirini küntertipke keltürdi.»
blinkénning wang yi bilen, haytida barghanséri yamanlishiwatqan insaniy tiragédiye we xeterlik weziyet toghriliqmu muzakire élip barghanliqi eskertilgen bayanatta, mundaq déyildi: «ministir blinkén, hayti xelqini qollash üchün mas qedemde heriket qilishning zörürlükini tekitlidi.»
