iran yéngi bir yadro tetqiqat réaktori qurushni bashlidi
iran isfahan ölkiside yéngidin 10 mégawatliq bir yadro tetqiqat réaktori qurushni bashlidi.
1898591
türkiye awazi radiyosi xewiri: iran resimiy xewer agéntliqi — irna, isfahandiki yadro tetqiqat réaktori qurulushining iran atom énérgiyesi orgini reisi muhemmed islami qatnashqan bir murasim bilen bashlanghanliqini xewer qildi.
xewerde körsitilishiche, %20 qoyuqlashturulghan yadro yéqilghusi ishlitilidighan 10 mégawatliq kölchek tipidiki réaktor, yadro yéqilghusini sinaq qilish, dawalash we sanaet radiyoizotoplirini ishlepchiqirish, néytron nurlirini tetqiq qilish we qollinilishini tereqqiy qildurush üchün ishlitilidiken.
xewerde, mezkur yadro tetqiqat réaktorining iranning eng chong yadro eslihelirining biri bolghan isfahan yadro téxnika merkizi qarmiqida paaliyet élip baridighanliqi qeyt qilindi.
