b d t bérmaliq panahlanghuchilarni dölitige mejburiy qayturmasliq kéreklikini tekitlidi
birleshken döletler teshkilati bérmadiki insanperwerlik krizisi sewebidin bashqa döletlerde panahlanghan puqralarni dölitige mejburiy qayturmasliq kéreklikini bildürdi.
türkiye awazi radiyosi xewiri: b d t kishilik hoquq aliy komissari wolker türk b d t arqiliq malaysiyada panahlanghan 2 bérma pujrasini 6 - öktebirde mejburiy chégradin qoghlap chiqirish weqesi üstide toxtaldi.
wolker türk bérmaliqlarning herbiy siyasiy özgirishtin kéyin zorawanliq, muqimsizliq we iqtisadiy krizisqa duch kelgenlikini tekitlep, «hazir héchkishini bérmagha ewetidighan waqit emes» dédi.
wolker türk bashqa döletlerdin panahliq tiligen nurghun paaliyetchilerning we bérma armiyesidin qachqanlarning öz dölitige qayturulghan teqdirde, éghir xeterlerge duch kélidighanliqini tekitlidi.
wolker türk bérmidiki insanperwerlik krizisining künséri chongqurlishiwatqanliqini tilgha élip, «bu ehwalda, döletlerning panahlanghuchilarni azab we xeterning ichige yollimay, ulargha qanunluq salahiyet bérishi intayin muhim» dégen chaqiriqta boldi.
b d t panahlanghuchilar aliy komissarliqi teripidin tünügün élan qilghan bayanatta, yéqinqi ikki ay ichide yüzligen bérmaliqlarning iradisige xilap halda malayshiyadin sürgün qilinghanliqi bildürülgen idi.
مۇناسىۋەتلىك خەۋەرلەر
sholz nétanyahu bilen téléfonlashti
gérmaniye bash ministiri olaf sholz israiliye bash ministiri bényamin nétanyahu bilen téléfonlashti.
