jo baydin rusiyeni agahlandurdi
amérika pirézidénti jo baydin rusiyening ukrainada taktikiliq yadro qorallirini ishlitishining intayin éghir xataliq bolidighanliqi heqqide agahlandurushta boldi.
türkiye awazi radiyosi xewiri: jo baydin aqsaraydiki muxbirlarning soallirigha jawab berdi.
jo baydin bir muxbirning: «rusiye ukrainaning meynet bomba ishlitidighanliqini ilgiri sürmekte, sizningche bu rusiyening aldamchiliq herikitining teyyarliqi bolushi mumkinmu?» dégen soaligha jawab bérip, «eger rusiye taktikiliq yadro qorali ishlitidighan bolsa, bu ajayip éghir xataliq bolidu. men hazir buning rusiyening aldamchiliq herikiti ikenlikige kapalet bérelmeymen. buni bilmeymen. emma bu (yadro qoral ishlitish) intayin éghir xataliq bolidu» dédi.
rusiye dölet mudapie ministiri sérgéy shoygu ukrainaning «meynet bomba» ishlitishke teyyarliq qiliwatqanliqini ilgiri sürgen bolup, rusiye tashqi ishlar ministiri sérgéy lawrowmu ukrainada radioaktipliq bomba ishlepchiqirish téxnikisi bolghan muesssilerning barliqini ilgiri sürgen idi.
