pakistanliq zhurnalist kéniyede qoralliq hujum bilen öltürüldi
pakistanliq zhurnalist we téléwiziye programma riyasetchisi irshad sherif kéniyening paytexti nayrobida namelum kishilerning qoralliq hujumida öltürüldi.
türkiye awazi radyosi xewiri: pakistan dölet taratqulirining xewer qilishiche, zhurnalist sherifning ayali jawriya sidiqi tiwittérda élan qilghan uchurida dangliq riyasetchining qoralliq hujumda hayatidin ayrilghanliqini bildürgen.
zhurnalistning wapatidin kéyin, pirézidént arif elwi we bash ministir shahbaz sherif qatarliq nurghun kishiler teziyename élan qildi.
bezi muxbirlar sherifning ölümide hökümet we armiyeni eyiblidi.
sabiq bash ministir imran xanning küchlük qollighuchiliridin biri bolghan irshad sherif shahbaz sherif hökümitini we armiyeni qattiq tenqid qilishliri bilen tonulghan idi.
zhurnalist we téléwiziye programma riyasetchisi irshad sherif «ARY News» téléwiziyeside imran xanning riyasetchilikidiki pakistan edalet herikiti (PTI) partiyesining bash katipi shahbaz gil bilen ötküzgen söhbet programmisidin kéyin, uning heqqide sotta délo turghuzulghan bolup, bu ishlardin u awghustta engiliyening paytexti londongha ketken idi.
irshad sherifning néme üchün kéniyege barghanliqi téxiche namelum.
