nigériyede görüge tutup kétilgen 27 kishi qutquzuwélindi

türkiye awazi radiyosi xewiri: zamfara saqchi idarisi bayanatchisi muhemmed shéxu bayanatida, nigériyening gando, bagéga we sunké orminida qoralliq shaykilargha qarshi heriket élip bérilghanliqini bildürdi.

muhemmed shéxu heriket jeryanida qoralliq guruhlar teripidin görüge élinghan 27 kishining qutquzuwélinghanliqini we bu kishilerning salametlikining yaxshi ikenlikini uqturdi.

texminen 5 yildin béri qoralliq guruhlarning hujumigha duch kéliwatqan zamfara ölkisige qarashliq 3 rayonda, 14 – séntebirde kochigha chiqish cheklimisi élan qilinghan idi.

zamfaraning enka we bukkuyum rayonida 4 – we 5 - yanwar künliri yüz bergen qoralliq hujumda, 200 din artuq kishi hayatidin ayrilghan, yüzligen kishi yarilanghan we minglighan kishi öy - makanliridin ayrilishqa mejbur bolghan idi.