b d t: ashliq karidori ümid chirighi yandurmaqta
birleshken döletler teshkilati türkiye muressechilik qiliwatqan «ashliq karidori» ning ümid chirighi yanduruwatqanliqini bildürdi.
türkiye awazi radiyosi xewiri: birleshken döletler teshkilati soda we tereqqiyat konféransi (UNCTAD) teripidin élan qilinghan doklatta, ukrainadin ashliq yötkeshke kapaletlik qilish meqsitide, 22-iyul istanbulda, türkiye jumhuriyiti jumhur reisi rejep tayyip erdoghan bilen birleshken döletler teshkilati bash katipi antonyo gutérésning huzurida, ukraina we rusiye bilen imzalanghan «ashliq karidori kélishimi» ning ümid chirighi yanduruwatqanliqi we krizis mezgilide soda küchini namayan qiiwatqanliqi tekitlendi.
bu kélishimning mudditini uzartishning, yer shariwi yémek - ichmek bahasini töwenlitish we yémek - ichmek bixeterlikige kapaletlik qilishta nahayiti zor ehmiyetke ige ikenliki qeyt qilinghan doklatta, kélishim sayisida, ukraina portliridiki paaliyetlerning normal halette dawamlishishqa bashlighanliqi, 19 – öktebir künige qeder, ukraina portliridin toshulghan ashliq miqdarining 8 milyon tonnigha yetkenliki tekitlinip mundaq déyildi: «ashliq yötkesh miqdari, urushtin ilgirikige sélishturghanda % 40 we% 50 töwenligen bolushigha qarimay, bu teshebbusning türtkiside yémek - ichmek bahasi muqimliship, töwenleshke bashlidi.»
yershariwi yémek - ichmek mehsulatlirining toshulush nisbitining iyul éyida % 8.6, awghust iyul % 1.9, séntebir éyida % 1.1 töwenligenliki bayan qilinghan doklatta, mundaq déyildi: «bu kélishim kélechek üchün ümid chirighi yandurmaqta, hemde krizis mezgilide soda küchini namayan qilmaqta.»
