nigériyediki kelkünde 603 kishi qaza qildi
nigériyediki kelkünde 600 din artuq kishi qaza qilip, 82 mingdin artuq öyning pütünley weyran bolghanliqi élan qilindi.
1893571
türkiye awazi radiyosi xewiri: nigériye insanperwerlik ishliri ministiri sadiye ömer faruq bu heqtiki bayanatida, «2022 - yili 16 - ötebirge qeder epsuski 603 kishi qaza qildi» dédi.
élan qilinghan sanliq melumatlargha asaslanghanda, kelkünde 1 milyon 300 ming kishi öy-makansiz qalghan, 82 mingdin artuq öy pütünley weyran bolghan, 110 ming géktar déhqanchiliq yéri ishletkili bolmaydighan halgha kélip qalghan.
ilgiri kelkünde hayatidin ayrilghanlarning sani 500 dep élan qilinghan bolup, bezi ölkilik hökümetlerning teyyarliqsizliqi sewebidin qaza qilghanlar sanining éshiwatqanliqi bildürülmekte.
nigériyede 2012 - yili yüz bergen kelkündimu 363 kishi qaza qilip, 2 milyon 100 mingdin artuq kishi öy-makanidin ayrilip qalghan idi.
