hindistan yadro su asti paraxotidin ballistik bashqurulidighan bomba qoyup berdi
hindistan dölet mudapie ministirliqi, yadro su asti paraxotidin ballistik bashqurulidighan bomba qoyup bérish siniqining muweppeqiyetlik bolghanliqini uqturdi.
türkiye awazi radiyosi xewiri: hindistan dölet mudapie ministirliqi yazma bayanat élan qilip: «aldin békitilgen dairide sinaq qilinghan bashqurulidighan bomba, bangladésh qoltuqidiki nishangha del we toluq zerbe berdi. qoral sistémisining barliq meshghulat we téxnika paramétirliri jezmleshtürüldi» dégenlerni qeyt qildi.
bu qétimqi balistik bashqurulidighan bomba siniqi arqiliq su asti paraxoti xadimlirining iqtidari we hindistanning yadro tehditini yaltaytish qabiliyitining ispatlanghanliqigha isharet qilinghan bayanatta, bashqurulidighan bombining ishenchlik, yaltaytish küchige ige, puxta we sijil iqtidargha ige ikenliki tekitlendi.
amérika, rusiye, xitay, firansiye we engiliyedin kéyin, hindistanmu su asti balistik bashqurulidighan bomba qoyup bérish iqtidarigha ige 6-döletke aylandi.
hindistan bomba qoyup bérilgen «INS Arihant» namliq tunji yadro su asti paraxoti qurulushini 2016-yili bash ministir naréndra modining yolyoruqigha asasen bashlighanidi.
