ukraina kuril taqim arallirini yaponiye zémini dep étirap qildi
ukraina parlaménti, ikkinchi dunya urushidin buyan rusiye bilen yaponiye otturisida detalash qiliniwatqan kuril taqim aralliridin xabomay we shikotan arilini yaponiye zémini dep qobul qildi.
türkiye awazi radiyosi xewiri: ukraina parlaménti bayanat élan qilip, parlaméntning, tokyoning, rusiye öz zémini dep qarawatqan yaponiyening shimalidiki rayonlarning igidarchiliq hoquqigha munasiwetlik xelqara jemiyetke qilinghan chaqiriqni muzakire qilghanliqini, parlamént bashliqi ruslan stéfanchuk qatarliq bir türküm parlamént ezalirining chaqiriqqa asasen teyyarlanghan qanun layihesini qollighanliqini uqturdi.
bayanatta: «mezkur qararning chiqirilishida, sabiq sowét ittipaqi (sowét sotsiyalistik jumhuriyetler ittipaqi) ning 1945 – yili awghust – séntebir aylirida yaponiyening shimaliy zéminlirini qanunsiz halda igiliwélip, 1949 - yilighiche barliq yapon puqralirini bu rayonlardin mejburiy qoghlap chiqirishining nezerde tutulghanliqi» qeyt qilindi.
sabiq sowét ittipaqi bilen yaponiyening 1956 – yili 19 – öktebirdiki birleshme shertnamisining 9 – maddisigha asasen, sowét ittipaqining yaponiye bilen bolghan ikki terep munasiwitini normallashturup, tinchliq shertnamisi imzalishidin kéyin, xabomay we shikotan arilining yaponiyege ötküzüp bérilidighanliqining qarar qilinghanliqigha isharet qilinghan bayanatta, rusiye fédératsiyesining yaponiyening shimaliy rayonlirining salahiyitini békitish niyitini jezmleshtürgen bolushigha qarimay, hazirghiche mejburiyitini ada qilmighanliqi otturigha qoyuldi.
bayanatta yene, xelqara jemiyet yaponiyening shimaliy térritoriyesining salahiyitini qanuniy jehettin resmiyleshtürüsh üchün barliq tedbirlerni yolgha qoyushni dawamlashturushqa chaqirildi.
