reisi: yadro söhbetliridin özimizni qachurmaymiz

türkiye awazi radiyosi xewiri: iran resimiy xewer agéntliqi — irnaning xewirige qarighanda, pirézidént reisi paytext téhrandiki ezzehra uniwérsitétidiki bir murasimda qilghan sözide, dölitining hazirghiche ünümge érishelmigen yadro söhbetliridin qachmaydighanliqini bildürüp: «ular: <biz bilen chüshinish hasil qilinglar, biz tüzgen kélishimlerge imza qoyunglar, dölitinglarning saqliniwatqan mesililiri hel qilinsun> déyishti. biz shereplik söhbetlerge teyyar ikenlikimizni éyttuq. biz söhbetlerdin qachmaymiz, chünki, bizning muwapiq teleplirimiz bar» dégen.

amérika qoshma ishtatlirining nyuyork shehiride firansiye pirézidénti émmanuél makron bilen bu heqte sözleshkenlikini bildürgen reisi: «men makron ependi we nyuyorktiki mutexessislerdin bizning teleplirimizning qaysisining eqilge muwapiq emeslikini éytip bérishini telep qildim. netijide, bizning sözlirimiz aqilane ikenlikini qobul qilishti» dédi.