putin ukrainaning töt rayonini igiliwélish toghrisidiki qanunlarni imzalidi

türkiye awazi radiyosi xewiri: rusiye pirézidéntliq mehkimisi — kirémil bayanat élan qilip, putinning ukrainaning donétsiki, luxanski, xérson we zaporozhya rayonlirining rusiyege qoshulup kétishige munasiwetlik qanunlarni imzalighanliqini, bu qanunlarning rohigha asasen, mezkur rayonlarda yashaydighan ahalining rusiye puqrasi dep qarilidighanliqini bildürdi.

buningdin bashqa, putin qararnamelerni maqullap, mezkur rayonlargha waqitliq pirézidént we waliylarni teyinlidi.

igilinishiche, putin teripidin imzalanghan mezkur qanunlar 10 kündin kéyin küchke ige bolidiken.

rusiye pirézidénti wiladimir putin ukrainaning donétsiki, luxanski, xérson we zaporozhya rayonlirini rusiyege qoshuwélish toghrisidiki alaqidar höjjetlerni 30 – séntebirde imzalighanidi.

rusiye parlaméntining töwen qaniti —  duma, mezkur töt rayonning rusiye teripidin qoshuwélinishigha munasiwetlik qanunlarni 3-öktebir qobul qilghan, parlaméntning yuqiri qaniti bolghan fédératsiye kéngishi tünügün qanunlarni testiqlighanidi.