yaponiye rusiyedin öch aldi
yaponiye hökümiti shimaliy xokkaydo ölkiside wezipe ötewatqan bir rusi diplomatni «qarshi élinmaydighan kishi» dep élan qildi.
türkiye awazi radiyosi xewiri: rusiye fédératsiyesi bixeterlik idarisining, yaponiyening rusiyening wiladiwostok shehiridiki konsulxanisida ishleydighan bir diplomatini nazaret astigha élishining ghulghulisi dawam qilmaqta؛ yaponiye tashqi ishlar wazariti, rusiyening yaponiyening shimaliy xokkaydo ölkisi sapporo shehiridiki konsulxanisida ishleydighan bir diplomatining «qarshi élinmaydighan adem» dep élan qilinghanliqini uqturdi.
yaponiye tashqi ishlar weziri hayashi yoshimasa, ismini ashkarilashni xalimighan rusiye diplomatining 10-öktebirgiche yaponiyedin chiqip kétishini telep qildi.
hayashining éytishiche, muawin tashqi ishlar weziri mori takéo rusiyening tokyoda turushluq bash elchisi mixayil galuzinni ministirliqqa chaqirtip, mezkur diplomatni chégradin qoghlap chiqirish qararini yetküzgen.
rusiye fédératsiyesi bixeterlik idarisi yaponiyening rusiyening wiladiwostok shehiridiki konsulxanisida ishleydighan diplomat motoki tatsunorini «jasusluq jinayiti sadir qilish» bilen eyiblep nazaret astigha alghanidi.
yaponiye tashqi ishlar wazariti hayashi motoki tatsunorining nazaret astigha élinishigha naraziliq bildürgen, motokining «közining téngilip, jismaniy jehettin zorluqqa uchrighanliqi» ni ilgiri sürgenidi.
yapon diplomatning «héchqandaq qanunsiz heriketke arilashmighanliqi» ni bildürgen hayashi, rusiyening meydanigha «wiyénna ehdinamisige ochuq - ashkara halda éghir xilapliq qilish» dep baha bergenidi.
rusiye fédératsiyesi bixeterlik idarisi bayanat élan qilip, motokining «rusiyening bir asiya-tinch okyan döliti bilen bolghan hemkarliqi we gherbning jaza siyasitining pirimorskiy rayonining iqtisadiy weziyitige körsetken tesiri heqqidiki cheklik uchurlarni pul bérip sétiwéliwatqan esnada nazaret astigha élinghanliqi» ni uqturghanidi.
