makron ukrainagha dawamliq yardem qilidighanliqlirini bildürdi

türkiye awazi radiyosi xewiri: élsiy sariyi makronning ukraina pirézidénti zélénskiy bilen téléfonda körüshkenliki toghrisida bayanat élan qildi.

bayanatta bildürülishiche, pirézidént makron rusiyening qanunsiz halda ukrainaning donétsk, luxansk, xérson we zaporizhya rayonlirini qoshuwalghanliqini eyibligen.

u firansiyening ukrainaning igilik hoquqigha we zémin pütünlükige qaytidin érishishi üchün yardem qilishni dawalashturidighanliqini, shundaqla rusiyege yéngi émbargo yürgüzüshte qetiy iradege ige ikenlikini bildürdi.

ikki rehber zaporizhya yadro éléktr istansisining nöwettiki ehwalinimu muzakire qildi. makron yadro éléktir istansisining bash mudiri ixor murashowning rusiye küchliri teripidin tutup kétilgenkinimu eyiblidi.

ikki rehber yene, yadro éléktr istansisida xizmet qiliwatqan we bixeterlikini qoghdawatqan ukraina xadimlirining qisqa waqit ichide almashturulushining muhim ikenlikini tekitlidi.