kabuldiki adem bomba hujumida qaza qilghanlar sani 35 ke yetti
afghanistanning paytexti kabuldiki bir maarip merkizide meydangha kelgen tünügünki adem bomba hujumida qaza qilghanlar sani 35 ke yetti.
türkiye awazi radiyosi xewiri: kabul saqchi idarisi tünügün bayanat élan qilip, kabuldiki bir maarip merkizining adem bomba hujumigha uchrighanliqini uqturdi.
birleshken döletler teshkilati, hujumda hayatidin ayrilghanlar sanini 35 dep élan qildi.
hazirghiche héchqandaq terep bu hujumning jawabkarliqini üstige almidi.
türkiye bu hujumni eyiblidi؛ türkiye jumhuriyiti tashqi ishlar ministirliqi bayanat élan qilip, hujumida hayatidin ayrilghanlargha teziye bildürdi.
bayanatta: «biz bu insan qélipidin chiqqan térrorluq qilmishini eng küchlük shekilde eyibleymiz, hayatidin ayrilghanlargha rehim – shepqet tileymiz, wapat bolghanlarning tughqanliri we qérindash afghanistan xelqidin hal soraymiz, yarilanghanlarning salametlikining tézrek eslige kélishini tileymiz» dégen ibarilerge orun bérildi.
