zélénskiy: rusiyege qandaq jawab bérishni yaxshi bilimiz

türkiye awazi radiyosi xewiri:ukraina pirézidénti wolodimir zélénskiy moskwaning öz dölitide référandum ötküzülgen rayonlarning rusiyege qoshulushi toghrisidiki qarari üstide toxtilip: «rusiye ukrainaning yéngi bir qismini igellimidi, belki dölitimizning ishghal qilinghan zémingha élip kelgen apetke özini qoshuwaldi» dédi.

u rusiye pirézidénti wladimir putingha qaritip: «pütkül rusiye jemiyitini normal iqtisadtin, tertiplik turmushtin we barliq insaniy qimmet qarishigha bolghan hörmettin mehrum qilish, rusiyediki bir kishining bu urushni dawamlashturushni telep qilishining bedili bolidu. buni toxtitiwalghili bolidu, emma uni toxtitish üchün, rusiyede hayattin bekrek urush qilishni xalaydighanlarni choqum toxtitishingiz kérek» dédi.

u milyonlighan ukrainaliqning öz dölitining zémin pütünlükini qaytidin eslige keltürüsh, bixeterliki we tinchliqi üchün küresh qiliwatqanliqini tekitlep, mundaq dédi:

«ete (2022-yili 30-séntebir) bizning kürishimizning bashqa bir küni, zeper quchidighan yoldiki yene bir kün bolidu. u biz üchün alahide bolamdu? u bizni bixeterlik we tinchliqqa, zémin pütünlükimizni eslige keltürüshke yéqinlashturidighan yene bir kün bolidu. rusiye ukrainaning yéngi bir qismini igellimidi, belki rusiye dölitimizning ishghal qiliwalghan zéminlirigha élip kelgen apetke özini qoshuwalidu» dédi.

u dölet xewpsizlik we mudapie kéngishining mexsus yighin chaqirip, bezi qararlarni chiqiridighanliqini bildürüp: «rusiyening her qandaq herikitige qandaq jawab béridighanliqimizni yaxshi bilimiz» dédi.

krémil sariyi bayanatchisi dmitriy péskow ukrainadiki rusiyeperes bölgünchilerning kontrolluqidiki atalmish donétsk, luxansk xelq jumhuriyetliri bilen rusiye armiyesi bésiwalghan xérson hemde zaporizhya rayonlirining rusiyege qoshulushi üchün bügün (2022-yili 30-séntebir) murasim ötküzülidighanliqini bildürgen idi.