amérika türkiye - girétsiye ixtilapida qosh ölchem qollanghanliqini étirap qildi

türkiye awazi radiyosi xewiri: amérika tashqi ishlar ministirliqi bayanatchisi néd prays, girétsiyening xelqaraliq kélishimlerge xilap halda ege déngizidiki arallargha orunlashturghan amérika bironéwiklirining ishlitilish shertliride amérika menpeetining nezerde tutulghanliqini bildürdi.

kündilik muxbirlarni kütüwélish yighinida, türkiye bilen girétsiyeni ixtilapni diplomatik yollar bilen hel qilishqa chaqirghan bayanatchi néd prays, herqaysi döletlerning bir - birining chégrasigha hörmet qilishi kéreklikige isharet qilip, rayonning jiddiychilikni kücheytiwétidighan bayanatlarni bérish we heriketlerni qilishtin saqlinishni telep qildi.

bayanatchi prays <herqaysi döletlerning özlirining qorallirini qandaq orunlashturidighanliqi toghrisida toxtalmaydighanliqi>ni otturigha qoyghandin kéyin, anadolu agéntliqi muxbiri ulapla: «biz her qandaq bir qoral bilen teminligende uning ishlitish shertliriningmu otturigha qoyidighanliqini bilimiz. girétsiyening xelqara kélishimge xilapliq qilishta ishletken amérika qorallirigha héchqandaq shert qoyulmighanmu?» dep soridi.

bayanatchi prays bu soalgha: «biz dunyadiki ittipaqdashlirimiz we shériklirimizni teminligen bixeterlik yardimi we qoral sistémisini hemishe yéqindin közitimiz» dep jawab bérish bilenla boldi qildi.

buninggha qarita birleshme xewer agéntliqi muxbiri: «eger qoral-yaraghlarni qeyerge orunlashturush döletlerning ixtiyarliqidiki ish bolsa, némishqa türklerge (ular rusiyedin sétiwalghan) s-400 lerni orunlashturmanglar, deysiler?» dep soridi.

bayanatchi bu soalgha: «biz buning bezi aqiwetlerni keltürüp chiqiridighanliqini éniq otturigha qoyduq» dep jawab berdi, birleshme xewer agéntliqi muxbiri téximu ilgiriligen halda: «undaqta buningdin kéyin sorilidighan logikiliq soal shuki: amérikaning qoralliri (girétsiye teripidin kélishimlerge) xilapliq qilishta ishlitiliwatidu. buningmu tölinidighan bedili bolamdu?» dédi. prays bu soalgha jawab bérelmey, her bir döletning özining qararini özining chiqiridighanliqini, emma «bezi chékidin ashqan misallar» ning bedilining bolidighanliqini otturigha qoyush bilen kupayilendi.

prays, anadolu agéntliqi muxbirining «eger ishlitish shertliri bir shériktin telep qilinip, yene biridin telep qilinmisa, bu yerde qandaq ölchem bar? bu shertlerning ölchem yaki qosh ölchem ikenlikini qandaq perqlendürimiz?» dégen soaligha: «biz qollanghan ölchem amérikaning dölet menpeetige néme mas kelse shudur» dep jawab berdi.