irandiki namayishlar jeryanida 20 yashliq bir qiz hayatidin ayrildi
irandiki naraziliq namayishliri dawamlishiwatqan bir peytte kerej nahiyeside hedis nejefi isimlik bir yash qiz xewpsizlik küchlirining oqi tégip jénidin ayrildi.
türkiye awazi radiyosi xewiri: iranda mahsa eminining «hijablinish belgilimilirige réaye qilmighanliqi» ilgiri sürülüp nazaret astigha élinip qamaqxanida hayatidin ayrilishidin kéyin bashlinip ketken namayishlar dawamlishiwatqan bir peytte, kerej shehiride hedis nejefi isimlik bir yash qiz xewpsizlik küchlirining oqi tégip jénidin ayrildi.
öktichilerning «IranWire» xewerler tori, 21 – séntebir kerej nahiyesidiki namayishta bedinining bir qanche yérige xewpsizlik qisimlirining oqi tégip yarilanghan 20 yashliq hedis nejefining doxturxanida ölüp ketkenlikini xewer qildi.
ijtimaiy taratqulardiki xewerlerge qarighanda, hedis nejefining singlisi achisining alemdin ötkenlikini jezmleshtürgen.
13 – séntebir iranning paytexti téhranda «exlaq saqchisi» dep atilidighan «irshad charlash xadimliri» teripidin tutup kétilgendin kéyin salametilikide özgirish körülüp balnistqa élinghan 22 yashliq mahsa eminining 16- séntebir hayatidin ayrilishi küchlük naraziliq peyda qilghanidi.
emini 17 – séntebir yurti sakkizda depne qilinghandin kéyin bashlanghan namayishlar qisqa waqit ichide döletning nurghun sheherlirige kéngiyip ketkenidi.
