filippinde noru teyféng borini sewebidin 5 kishi qaza qildi
filippinning shimaligha éghir tesir körsetken noru teyféng borini keltürüp chiqarghan kelkünde, bulakan ölkiside wezipe ötewatqan izdesh-qutquzush etritidin 5 kishi qaza qildi.
türkiye awazi radiyosi xewiri: filippin dairiliri noru teyféng borinining döletning sherqiy shimalidiki kéwzon rayonigha éghir tesir körsetkenlikini élan qildi.
bulakan waliysi daniyal férnando yerlik taratqulargha bergen bayanatida, noru teyféng borini keltürüp chiqarghan kelkünde qapsilip qalghanlarningmu barliqini éytti.
férnando rayonda qapsilip qalghan kishilerni qutquzush üchün ewetilgen izdesh-qutquzush etretlirining kémiler bilen paaliyet qiliwatqan peytte, üstige tam örülüp chüshkenlikini, kelkün süyige gherq bolghan 5 xadimning hayatidin ayrilghanliqini bildürdi.
bu jeryanda filippinning sherqiy shimalidiki kuézon rayonida kelkün we tagh gümürülüp chüshüsh xewipi bolghan jaylardin tarqaqlashturulghanl kishilerning sani 17 mingdin éship ketti.
apet sewebidin filippinning shimalidiki bezi rayonlarda tok üzülüp, maarip we soda ishliri waqitliq toxtitildi.
