élon mask iran xelqini tosalghusiz intérnét mulazimiti bilen teminleydighan boldi
iranda xelqning intérnétke érishishi cheklengendin kéyin, élon mask iran xelqini tosalghusiz intérnét mulazimi bilen teminleydighan süniy hemrah intérnét sistémisi «Starlink» ni resmi ishqa kirishtürdi.
türkiye awazi radiyosi xewiri: amérikaning iran xelqige sunulghan süniy hemrah intérnét mulazimitining dairisini kéngeytish üchün bergen ijazetnamisi élan qilinghandin kéyin, élon mask süniy hemrah intérnét sistémisi «Starlink» ni resmi ishqa kirishtürdi.
élon mask amérika tashqi ishlar ministiri antoniy billinkénning bu heqtiki tiwittér yazmisigha jawab bérip, «biz <Starlink> ni ishqa kirishtürduq» dédi.
amérika maliye ministirliqining bayanatida, irandiki intérnét erkinlikini qollash nisbitini ashurush meqsitide mezkur omumiy ijazetnamining élan qilghanliqi bildürülgen idi.
bayanatta iranda aldinqi hepte maxsa eminining «yaghliq artish qaidisige emel qildi» dégen bahane bilen qolgha élinishi sewebidin yüz bergen namayishtin kéyin, iran hökümitining intérnétke cheklime qoyghanliqi eskertilip, iran xelqige uchurning erkin éqishini we pakitni asas qilghan uchurlargha érishishni qollash üchün amérikaning heriketke ötkenliki bildürülgen idi.
süniy hemrah intérnét sistémisi «Starlink», alem boshluqni asas qilip yillardin buyan tetqiq qilip yasap chiqqan «SpaceX» süniy hemrahining dunyaning intérnét mulazimiti yétersiz rayonlirigha torgha chiqish qulayliqi yaritip bérishni nishan qilidighan sistéma ikenliki melum.
élon mask «SpaceX» we «Starlink» suniy hemrahliri arqiliq yer shari orbitisida 12 ming süniy hemrah tori qurushni pilanlimaqta we layihening 2027 - yili tamamlinishini nishan qilmaqta.
