wang yi teywen mesilisige qarita eng küchlük qedemlerni tashlaydighanliqlirini jakarlidi

türkiye awazi radiyosi xewiri: xitay tashqi ishlar ministiri wang yi birleshken döletler teshkilati 77 - nöwetlik omumiy kéngishi yighinida, qatnashquchilargha xitab qilip, xitay toluq birleshkendila  andin teywen boghuzida heqiqiy tinchliqning berpa bolidighanliqini éytti .

wang yi: «xitay hökümiti chet elning arilishiwilishigha qarshi turush üchün eng küchlük qedemlerni tashlaydu. xitay xelq jumhuriyiti pütkül xitaygha wekillik qilidighan birdinbir hökümettur» dédi.

ministir wang bir xitay pirinsipining xelqara munasiwette négizlik ölchemge aylanghanliqini tekitlep: «aral bilen birlishish jehettiki qetiy iradisige tosqunluq qilghuchi meyli kim bolushidin qetiynezer, tarixning gerdishide yenchilip tügeydu» dédi.

teywenning öz zémini ikenlikini ilgiri sürüp kéliwatqan xitay hökümiti, teywen arilining emeliy musteqil bolushigha seweb bolidighan her qandaq qedimige qarshi chiqip kelmekte.