baydin: rusiyening ukrainada ötküzidighan référandumini étirap qilmaymiz
amérika qoshma ishtatliri pirézidénti jo baydin héchqandaq bir ukraina zéminini bashqa bir döletning térrotériyesi süpitide qobul qilmaydighanliqlirini we rusiyening rayonda ötküzidighan référandumining netijilirini étirap qilmaydighanliqlirini éytti.
türkiye awazi radiyosi xewiri: baydin, bu heqte élan qilghan yazma bayanatida, mundaq dédi: «amérika qoshma ishtatliri, ukraina zéminini ukrainaning ayrilmas bir parchisi bolushning sirtida tirap qilmaydu. rusiyening référandumi köz boyamchiliqtur, hemde birleshken döletler teshkilati ehdinamisinimu öz ichige alghan xelqara qanungha xilap shekilde ukraina zéminini bésiwélish üchün bir bahanidur.»
rusiyege téximu éghir émbargolarni dawamlashturush mesiliside hemrah döletler bilen izchil hemkarlishidighanliqlirini eskertken baydin, mundaq dep körsetti: «amérika qoshma ishtatliri, saxta référandum netijisini ret qilishta dunyadiki barliq hemrahliri bilen ortaq qarashqa ige.»
u, ukraina xelqige rusiyening rayondiki ishghaliyitige qarshi turushi üchün bixeterlik yardemlirini dawamlashturidighanliqlirinimu sözlirige ilawe qildi.
igilinishiche, ukrainaning sherqiy qismida, bölgünchilerning kontrolluqidiki atalmish donétsk we luhansk xelq jumhuriyetliride, hemde zaporijye we hérson rayonlirida rusiyege tewe bolush üchün pilanlanghan we tünügün bashlanghan référandum 27 – séntebirgiche dawamlishidiken.
