shangxey hemkarliq teshkilati bashliqlar yighini semerqentte bashlandi
shangxey hemkarliq teshkilatining 22 – nöwetlik bashliqlar yighini özbékistanning tarixiy semerqent shehiride bashlandi.
türkiye awazi radiyosi xewiri: özbékistan pirézidénti shewket mirziyoyéwning sahibxaniliqida bashlanghan bashliqlar yighinigha, teshkilatqa eza döletler rusiye pirézidénti wiladimir putin, xitay dölet reisi shi jinping, qazaqistan pirézidénti qasim jömert toqayéw, qirghizistan pirézidénti sadir japparow, tajikistan pirézidénti imameli raxman, pakistan bash ministiri shahbaz shérif, hindistan bash ministiri narandra modi؛ közetküchi döletler bélarusiye pirézidénti aléksandir lukashénko, mongghuliye pirézidénti uqnaagin qurélsuq, iran pirézidénti ibrahim reisi؛ teklipke binaen türkiye jumhuriyiti jumhur reisi rejep tayyip erdoghan, türkmenistan pirézidénti serdar berdimuhemmedow we ezerbeyjan pirézidénti ilham eliyéw qatnashmaqta.
özbékistan pirézidénti shewket mirziyoyéw, shangxey hemkarliq teshkilatigha eza rusiye, xitay, qazaqistan, qirghizistan, tajikistan, pakistan we hindistan rehberlirini yighin zalida qarshi aldi. andin rehberler, bashliqlar yighini harpisida xatire süretke chüshti.
aldi bilen, shangxey hemkarliq teshkilatigha eza döletlerning rehberlirining ishtirak qilishida bashlanghan yighinda, mirziyoyéw, échilish nutiqi sözlep, yighin küntertipi heqqide melumat berdi.
shangxey hemkarliq teshkilatining semerqent bashliqlar yighinida, teshkilat paaliyetlirining tereqqiy qildurulushi, rayonluq soda hejmining ashurulushi, sanaet we qatnash saheliride özara hemkarliqning yenimu yüksek sewiyege yetküzülüshi, hemde yéshil iqtisad, yéngiliq yaritish, digital téxnologiyeler, eshya oboroti, yéza igilik, tébabetchilik we bashqa sahelerdiki ortaq layihe hem paaliyetlerni öz ichige alghan 30 gha yéqin höjjetning maqullinishi mölcherlenmekte.
bashliqlar yighinining axirida, semerqent xitabnamisi imzalinidu.
