ispaniye bash ministiri sanchéz: « emdilikte peqet birla zombi istilasi qaldi»
ispaniye bash ministiri pédro sanchéz hökümitining yéqinqi bir qanche yilda yuqum we ukraina toqunushi élip kelgen nurghun mesililerni hel qilishqa mejbur bolghanliqini we «emdilikte peqet birla zombi istilasining qalghanliqi» ni éytti.
türkiye awazi radiyosi xewiri: pédro sanchéz ukraina krizisi we rusiyege qaritilghan éghir émbargolar sewebidin bashlanghan énérgiye krizisi heqqide toxtaldi.
pédro sanchéz «TVE» qanilining ziyaritini qobul qilip bergen bayanatida, hökümitining 2018 - yili wezipige olturghandin buyan, kowid-19 yuqumi, la palma yanar téghi partilash weqesi, filoména qar shiwirghini apiti, maymun chéchiki wirusi we 24 - féwralda rusiyening hujumi bilen bashlanghan ukraina krizisi shundaqla bularning arqidinla kelgen bir qatar iqtisadiy mesililerni hel qilishqa mejbur qalghanliqini bildürdi.
sanchéz « emdilikte peqet birla zombi istilasi qaldi» dédi.
sanchéz hökümitining ray sinashta töwen bahagha érishishi toghrisidiki soalgha jawab bérip, xelqning ümidsizliki we ghezipini chüshinidighanliqini, ray sinash netijisini yaxshilash üchün tirishiwatqanliqini éytti.
