gérmaniye pirézidénti: «gérmaniyede yene nurghun yoqsullar öyliridin ayrilip qalidu»
gérmaniye pirézidénti frank-waltér stéynméyér ösüp kétiwatqan énérgiye bahasi sewebidin namrat kishilerning öyliridin ayrilip qilish xewipige duch kélidighanliqini éytti.
türkiye awazi radiyosi xewiri: gérmaniye pirézidénti frank-waltér stéynméyér «öysizler küni» munasiwiti bilen bergen ziyapette söz qilip, «bahaning örlishi sewebidin ijare heqqi yaki mulazimet heqqini töliyelmeywatqan yoqsullar, bolupmu aililer öyliridin ayrilip qilish xewpige duch kelmekte. buningdin bashqa yene, öy izdewatqan kishilerning erzan bahaliq öy tépishi téximu tesliship ketmekte» dédi.
texminlerge asaslanghanda, gérmaniyede 300 mingdin artuq kishining öysiz yashawatqanliqini tekitligen stéynméyér: «texminen 180 ming kishi kéchini öysizlerning panahlinish jaylirida ötküzmekte, texminen 45 ming sergerdan kochilarda kéchilimekte» dédi.
stéynméyér kelgüsi bir nechche ay ichide bu sanning téximu köpiyish xewpi barliqini tekitlep: «urush we kirizislar, küz we qish aylirida dölitimizdiki téximu köp yoqsullarni panahjay éhtiyajigha mubtila qilishi mumkin. künséri éship kétiwatqan öy bahasi sewebidin qiyinchiliq tartiwatqanlarning öyliridin ayrilip qalmasliqi we kochilarda yashashqa mejbur bolup qalmasliqiri üchün barliq imkaniyetlirimizni ishqa sélishimiz lazim» dédi.
